Baiuca, tenda degustación especializada en viños galegos. Gústanos o viño, o bo viño, gústanos a imperfección.
Queremos ofrecervos o traballo de artesáns que choian de xeito honesto, actuando en consecuencia e en consonancia coa súa terra.
Queremos ofrecervos o traballo de viticultores que camiñan cada mañán a través das súas viñas, aloumiñándoas, fiando nelas o seu proxecto vital, avanzando no seu coñecemento día tras día.
Queremos ofrecervos o traballo de enólogos que elaboran os seus viños coa maior lexitimidade da que son capaces, expresando no viño o que as viñas lle regalan ou lles tiran ano a ano.
Viños sen foguetes, nen chafarises.
En fin, o traballo de persoas con nome e apelido que nos ofrecen, coma de un agasallo se tratar, o sabor da súa vila, da súa bisbarra, o sabor e o saber herdado dos seus devanceiros.
Viños para disfrutar devagar, pechando os ollos, despois de cada grolo, nun instante íntimo para voltar a ser quen fumos, quen somos, para o erguer as pálpebras disfrutar máis da nosa parella, dos nosos amigos, da conversa, das olladas, da nosa soidade.
Viños sen atallos para beber sen ataduras.
Viño sen prexuizos coma o primeiro viño que levamos os beizos.
Viños imperfeitos coma ti e coma nós.
Nús, o viño e máis nós.