Banco Santander en Boiro

Chamo ao teléfono que aparece en internet, 981 84 56 00, e sáeme unha gravación dicíndome que este número de teléfono non existe. Vou ingresar cartos á oficina de Boiro a unha conta do Banco Santander e dime que o podo facer no caixeiro, e expliqueille que prefiro facelo dentro na oficina porque acabo antes, que non me desenvolvo ben no caixeiro, que o fixen unha vez e que me tivo que axudar un compañeiro seu. Insiste en que no caixeiro podo facelo. Pregúntolle se lle aparece inmediatamente o ingreso nesa conta, e dime "Igual que no caixeiro", pregúntolle de novo "Pero é imediato?" e dime de novo como un robot e con despostismo "Igual que no caixeiro". Estaba obsesionado con que fose ao caixeiro. E díxenlle que me daba a impresión de que lle parecía mal que viñese facer isto ao banco, e el contestoume airosamente. En cambio, á señora que estaba diante de Min que foi coa libreta quitar cartos non lle dixo nada de que iso se pode facer no caixeiro: atendeuna sen máis, dándolle os cartos.